ZORBALIQSIZ TİRENÜV
Zorbalıqsız tirenüv – bu rus işğalcilerinen doğrudan-doğru çatışuvnı közde tutmağan faaliyettir. Ukrayina Mudafaa Quvetleri içün vaqtınca işğal etilgen topraqlarda duşmanğa zarar ketirgen episi faaliyetler pek müimdir.
Umumiy qaideler
- Siziñ telükesizligiñiz birinci yerde. Niyetleriñizni kimseniñ añlamaması ve meydanğa çıqarmaması içün köstermemege tırışıñız. Közge körünmeyip areket etiñiz. Sizni tapmalarına mania olacaq tedbirler planlaştırıñız.
- Er vaqıt alibiñiz olsun. Onı evelden tüşünip azırlañız, sade ve açıq şekilde ifade etiñiz.
- Qarşılıq kösterüvni tüzgün ve kereksiz tafsilâtlar olmadan planlaştırıñız.
- Qabaatlını belgilemek qıyın olğan yerlerde areket etiñiz. Vaqıtnı, yerni ve maqsatlarnı mesülietniñ bir çoq insannıñ üstüne dağıla bilecek şekilde seçiñiz.
- Küçüñiz yetecek maqsatlarnı seçiñiz. Eger mahsus bilgileriñiz olmasa, tek mümkün olğanını yapıñız.
- Sabotaj etiñiz. İşğalcilerge çalışmaqnı añlı red etüv, onıñ ömürge keçirilmesine doğrudan-doğru qarşılıq kösterüv ya da işni becerüv vaqtında emallıq doğrudan-doğru areket etmekten yahşıdır. Lâkin tek siziñ yaşayışıñızğa telüke yaratmaycaq şekilde.
- Müim vastalarnı yoq etip ya da olarnı bozmaqnen işğalcilerge zarar ketiriñiz. Bu yaqıt, aşayt malları ya da ilâclar ola bile.