Dovidka. Qırım
Qıymetli Qırım sakinleri, Ukraina Mudafaa Quvetleri Qırımdan duşmanlarnı quvıp, yarımadanı qaytarmaq içün elinden kelgenini eteler.
Azatlıq yolu, yazıq ki, pek qıyın arbiy esnas. Faal cenk areketleri ve işğalden azat etüv vaqtında ealige telükeler arta. Bundan da ğayrı, rusiye işğalcilerniñ içi qaralığı sıñırsızdır: olar er türlü tsinik provokatsiyalarğa azır, hususan, barışıqlı insanlarnı "canlı qalqan" olaraq qullana bileler.
Siziñ ayatıñız ve sağlığıñız – Ukraina içün eñ müim şeydir. Şunıñ içün sizden özleriñiz ve qorantalarıñız içün eñ yahşı qayğırmağa rica etemiz.
Lütfen, bu sade, amma müim telükesizlik talimatlarını diqqatnen oqup saqlañız. Kerçekten de kritik bir vaziyette sakin ve emin areket etmek içün evelden azırlanıñız.
Öz-özüñizge diqqat etiñiz, işanğan insanlarıñıznen beraber olıñız ve unutmañız: Qırım – bu Ukraina!
Qoranta ve yaqınlarnen areket planı aqqında añlaşuv
Qoranta ve yaqınlarıñıznen bütün ihtimallarnı muzakere etiñiz: bütün qoranta evde toplanğan olsa, ya da bir yaqın evde olmasa.
Fevqulâde vaziyet siz farqlı yerlerde olğanda ola bile. Bu sebepten körüşüv yerleri, marşrutlar ve areket planı aqqında evelden añlaşıñız. Alâqa yoq olsa, bağlanacağıñız aqqında añlaşıñız, körüşüv noqtasını ya da malümat mektübini qaldırmaq içün yerni belgileñiz.
Er bir qoranta azası içün müim nomeralarnıñ cedvelini azırlañız: yazıp ya da bastırıp alıñız. Aileniñ er bir azası onı yanında taşısın.
Evni fevqulâde vaziyetke azırlav
bar oluvnı baqıñız:
- uzun müddetli saqlanılğan mahsulat yedegi
- içilir ve tehnikiy suv
- ilâc qutusı
- naqıt para
- vesiqalar ve olarnıñ kopiyaları
- poverbank
- farqlı sim-kartalı telefon
- fenerler, yedek batareyalar ya da olarnıñ akkumulâtorları, çıraqlar
- aş pişirmek içün gaz yanğıç ve yedek balonları
- ateş söndürici
- sıcaq yorğanlar, yuqu tulupları, termo-urba
- tahliye ya da sığınaqqa keçme ihtimalı içün telüke çantası
- yedek yanacaq (avtomobil olsa)
- (maşina bar olsa) yaqıt yedegi
Eger şahsiy evde yaşasañız, eñ sade sığınaqnı öz mağazıñızda temin etiñiz. Oña kirişni teşkeriñiz ve kerek olsa, anahtarlarnı saqlağan şahısnı tapıñız.
Eger evniñ mağazı ya da tsokol qatı olsa, anda evelden boş yerlerni temizleñiz, tökülmeler, küf, teller yoqmı, yarıqlar çalışıp çalışmaymı ve oturmaq/yataq içün yer barmı teşkeriñiz. O yerde suv, fener, ilâc, örtü, gigiyena malzemeleri ve aşayt mahsulatlarını azırlañız.
Esli-başlı qomşularğa ya da öz başına areket etip olamağan insanlarğa meskenni, telüke çantalarını azırlamağa yardım etiñiz, kerek olsa, sığınaqqa alıp barıñız.