Sığınacaqnı nasıl tapmaq

Sığınaq – fevqulâde vaziyetlerde insanlarnıñ uzun müddetli bulunması içün yapılğan, germetik bir inşaattır. Sığınaqnı tapmaq içün, “Sığınaq” ya da “Grajdanlıq imayesi obyekti” işaretlerini qıdırıñız.

İşğal etilgen yarımadanıñ bir çoq bomba sığınağı ya qurulmağan, ya da qapalı, ya da çöplüknen tolu.

İşğal memuriyetleriniñ yalan aytqanlarına inanmañız – öz telükesizligiñizni özüñiz qorçalañız:

• eñ yaqın sığınaqnıñ yerini evelden teşkeriñiz ve yolunı ögreniñiz;
• sığınaq olmasa, yataqhanelerni özleriñiz qurıñız (buña qomşularıñıznı qoşulıñız), kiriş qapısınıñ üstüne parlaq boyanen "ЛЮДИ" sözüni yazıñız.

Eñ adiy sığınaqlar – evlerniñ mağazları ve tsokol qatları, yerastı parkovkalar ve yerastı keçitlerdir. Anda, qısqa vaqıt içinde açılğan ateş vaqtında saqlamaq mümkün. Eñ telükesiz birinde bir qaç çıqış bar (olardan biri binanıñ tışında).

Adetince böyle inşaatlar tükânlar, idman salonları, skladlar olaraq qullanıla. Saipler fevqulâde vaziyetler içün tayinlengen yerlerni bilmeli ve insanlarğa kiriş imkânını bermek kerekler. Ev saiplerinen bağlanmaq içün telefon nomeralarını evelden belgilemek tevsiye etemiz.

Ev ayvanlarıñız olsa, olar içün taşıyıcı, caq maskası ve boyun yipi, bir qaç künlik aş ve suv, sevimli oyuncaq azırlañız. Olarnı qayğırıñız, qapalı evde qaldırmañız.