UKRAYİNA MUDAFAA QUVETLERİ İÇÜN DUŞMAN AQQINDA MALÜMATNI NASIL ETİIP TOPLAMAQ VE YETKİZMEK MÜMKÜN

Serbest bölgelerde olsun, işğal etilgen topraqlarda olsun, er bir ukrayin ğalebemizni yaqınlaştıra bile. Tirenüvniñ közleri oluñız — Ukrayina Silâlı Quvetlerine ve qarşılıq kösterüv areketine duşman aqqında malümat bildiriñiz. Duşman ordısınıñ, arbiy tehnika ve askerlerniñ areketi ve yerleşken yeri aqqında malümatnı özüñizni telükege oğratmadan, muqaytlıqnen toprlamaq kerek. Bir qaç müim qaide:

• İşğalcilerge olarnıñ arbiyleri aqqında doğrudan sual bermeñiz, olarnen laf etkende açuvıñıznı köstermeñiz.
• Kereksiz diqqat çekmemek içün fotoresim ve video çıqarğanda bir sığınaq ya da gizli bir yer qullanıñız. O yerde ne yapqanıñız aqqında evelden bir ikâye uydurıñız.
• Ukrayina Mudafaa Quvetlerine foto ya da video yollağan soñ onı deral telefonıñıznıñ afızasından siliñiz. Bundan da ğayrı, bütün yazışmalarnı deral yoq etiñiz. Malümatnı yollamaq içün çat-bot qullanğan olsañız, izlerini gizleñiz. Bunı nasıl yapılğanı aqqında mında (посилання) oquñız.
• Malümatnı yazmamağa tırışıñız - böyle şeylerni aqlıñızda tutsañız yahşı olur. Bir şey yazılacaq olsa, onı nasıl etip şifrlemek mümkün olğanını tüşünip çıqarıñız, misal olaraq, bunı alış-veriş ya da ilâclar cedveli şeklinde yazmaq mümkün.

Malümatnı devlet mudafaasınen saasında çalışqan müessiselerge ya da teşkilâtlarğa yollamaq mümkün. Olarnıñ mahsus poçta qutuları, messencerlerde çat-botları ya da saytlarda muracaatlar içün mahsus formaları bar. Arbiyler içün malümatnı "eVorog" @evorog_bot çat-botu vastasınen de yetkizmek mümkün. Ukrayina dijital transformatsiya nazirliginiñ bu botu rus arbiy tehnikası ya da işğalcilerniñ yerleşken yeri aqqında haber etmege yardım ete. Botqa kiriş Diya vastasınen yapıla, bunıñ maqsadı – şahısnıñ kim olğanından emin olmaq ve sahte malümatnıñ yiberilmesine yol bermemek. Duşman aqqında malümatnı Baş istihbarat idaresine böyle yollarnen yetkizmek mümkün:

• Resmiy e-poçta adresi: [email protected]
• Signal: +38 096 945 53 41
• WhatsApp: +38 096 945 53 41
• İstihbaratnıñ Telegram botu @gur_official_bot

Duşman aqqında malümatnı Ukrayina telükesizlik hızmetine böyle yollarnen bildirmek mümkün:

• Müessiseniñ alâqalar içün resmiy e-poçta adresi: [email protected]
• Stop russian war bot @stop_russian_war_bot — Telegramda Ukrayina telükesizlik hızmetiniñ botu. Rus diversiya ve istihbarat gruppalarınıñ, rf arbiyleri ve tehnikasınıñ areket etüvi aqqında malümatnı, em de rusiye işğalcileri taşlap ketken patlayıcı aletler ve tehnika aqqında malümatnı yollamağa imkân bere.
• «Stop maroder» @stop_marauder_ua_bot çat botu Telükesizlik hızmeti tarafından soğuncılar aqqında bilgi toplamaq içün yaratılğan.

Qarşılıq areketiniñ malümatını şu vastalarnen yetkizmek mümkün::

• Milliy tirenüv merkezi saifesinde anketa toldurmaq: https://sprotyv.mod.gov.ua/salut/
• «Oçi» (Közler) @eyes_ua_bot çat botu — Ukrayinanıñ vaqtınca işğal etilgen topraqlarında ruslar tarafından yapılğan cinayetlerini aydınlatmağa imkân bergen ‘’Jovta Striçka’’ (Sarı Şerit) qarşılıq areketiniñ botu.

Duşman aqqında malümatnı Ukrayina milliy politsiyasına bu yollarnen yibermek mümkün:

• «Narodnıy Mesnık» (Halq İntiqamcısı) çat botu @ukraine_avanger_bot — Ukrayina kiberpolitsiyasınıñ botu duşmannıñ areket etüvi ve işğalcilerniñ yolda qaldırğan işaretleri aqqında malümat yollamağa imkân bere.
• «Znayden Voroğ» (Duşman Tapıldı) çat botu @znaydenvorogbot — Harkiv vilâyetinde duşman areketleri aqqında malümatnı yetkizmek içün yerli Milliy politsiyanıñ botu.

Ruslarnıñ cinayetlerini qayerge bildirmek mümkün?

• «Viyna 2022 | Ukrayina | Zloçını okupantiv | Trıbunal (Cenk 2022 | Ukrayina | İşğalcilerniñ cinayetleri | Tribunal) çat botuna @russian_war_tribunal_bot. Bu rusiye ordusınıñ cinayetleri aqqında malümatnı yetkizmek içün qullanılğan Ukrayina telükesizlik hızmetiniñ botu
• Cenk cinayetleri aqqında isbatlarnı toplavdan birleşken devlet habınıñ saytında – https://warcrimes.gov.ua/

Muqayt oluñız! Telegram botuna er angi malümatnı yollamazdan evel, çat botnuñ adını doğru yazğanıñızdan ve malümatnı kerekli yerge yollağanıñızdan emin oluñız. Duşman strategk malümatnı hırsızlamaq ve sizniñ şahsiy malümatıñıznı belgilemek içün daimiy şekilde resmiy ukrain çat botlarınıñ feyklerini açqanını diqqatqa alıñız. strategik malümatnı ve siziñ şahsiy malümatlarıñıznı hırsızlamaq içün daima resmiy ukrain çatbotlarınıñ feyklerini yarata Misal olaraq: https://t.me/evorog_bot – «eVorog» kerçek botınıñ bağlantısı böyledir. https://t.me/evorog_robot – bu ise «eVorog» sahte botunıñ bağlantısı. Bir baqıştan olar bütünley biri-birine beñzey. Amma, diqqatnen baqqanda, botnıñ adında bazı arifler ya da işaretler artqaç ya da eksik ola bile. Botnıñ kerçekligini «Botçeker» aleti vastasınen teşkermek mümkün. Malümatnı yollamaq içün bot qullanğan soñ, mıtlaq izlerni yoq etiñiz, yoqsa bu siziñ içün telüke ola bilir. Bunıñ adım-adım algoritmini mında oquñız.