DUŞMAN AQQINDA MALÜMATNI ÇAT BOTLARĞA YETKİZÜVNİÑ İZLERI NASIL GİZLENİR
Telegram botları yardımınen duşman aqqında müim malümatnı askerlerge yetkizüv, siziñ telefonıñıznı teşkergen işğalcilerde şübe doğura bile. Onıñ içün bu programmalardan faydalanğan soñ «izleriñizni qapatmağa» kerek:
- Eger botqa foto ya da video yollağan olsañız, onı tek telefondan degil de, çöplükten de yoq etiñiz.
- Bildirüvlerniñ sesini qapatıñız: botnen çatqa basıp ve «Bildirüv yollamañız» dögmesine basıñız.
- Botnı qullanğan soñ, onı çatlarıñızdan çıqarıñız.
IOS içün: çatnı basıp tutıñız –> «Silmek» –> «Çat tarihını temizlemek» seçip alıñız. Çat boş qalacaq, amma daa ğayıp olmaycaq. Onıñ içün, soñra çat menüsiniñ sol yuqarı köşesinde «Deñiştirmek» dögmesi yardımınen çatqa basıñız –> çatnı seçip alıñız –> aşağı sağ köşesinde «Sil» dögmesine basıñız.
Android içün: yuqarı sağ köşedeki çatnı basıp tutıñız⋮ –> «Tarihnı temizlemek» seçiñiz. Çat boş qalacaq, amma ğayıp olmaycaq. Onıñ içün, çatnı kene basıp tutıñız –> töpedeki çöplük resmine basıñız –> «Çatnı sil» qısmını tasdıqlamaq kerek.
Botnı blok etmeñiz. Çünki teşkerüv vaqtında işğalcciler siziñ blok etken botlarnı ya da kanallar cedvelini teşkere bilirler ve o botnı da anda tapa bilirler.
Keşni temizleñiz. «Sazlamalar» bölügine kiriñiz –> «Malümat ve mahzen» –> «Mahzenni qullanuv» –> «Bütün keşni temizle». Şahsiy çatlarda medianıñ avtomatik silinmesini qoyuñız. Telefonıñızdaki er bir programmanıñ keş bölügi bar, onı cihaznıñ sazlamalarında elnen temizlemek mümkün. - Qıdıruv satırından ve Telegramda «Soñki alâqalar»dan çat-botnı siliñiz. Qıdıruv satırına basıñız – siz ziyaret etken kanallar ve botlarnıñ cedvelini körersiñiz. Kerekli botnı basıp tutıñız, çıqqan menüden «Afızadan çıqarmaq»nı seçip alıñız. Cedvelni bütünley temizlemek içün cedveldeki birinci çatnıñ üstündeki sağ taraftaki «Temizlemek» dögesini basıñız.