Yalan haberlerden nasıl qorçalanmaq mümkün

Nevbetteki tevsiyelerge uyıñız:

Tek tasdıqlanğan menbalardan alınğan malümatnı paylaşıñız. Devlet organlarınıñ resmiy saifelerinde, içtimaiy ağlarda ya da Suspilne yayınlav kanallarında (UA:Perşıy, sabıq UT-1) olğan malümat.

Ukrayina ordusı tarafından arbiy areketler toqtatılğanı aqqında haberlerge inanmañız. Böyle malümat ealini ruhtan tüşürmek içün qullanılğan usullardan biridir. Duşman istilâsı vaqtında ukrayin arbiyleri bütün küçünen qarşılıq köstereceklerini unutmamalısıñız.

İnternet bağıñız çalışmasa ya da devlet organlarınıñ saifelerine kirip olamasañız, malümat almaq içün Suspilne cemaat yayınlavınıñ UA:Perşıy telekanalı ve UA:Ukrayinske radio kibi matbuat vastalarına keçiñiz. Radioñıznı bulunğan yeriñizniñ dalğalarına köre evelden azırlañız, yayınlav dalğasını http://nrcu.gov.ua/maps saytında ögrenmek mümkün. Eger stantsiya radiosı olsa, onı qullanıñız.

Ukrayina askerleriniñ areketleri aqqında malümat paylaşmañız. Sizni qorçalağanlarğa zarar ketire bilesiñiz.

Ukrayina askerleri tarafından yapılğanı idda etilgen ealige ücümlar aqqında haberlerge inanmañız. Böyleliknen, tecavuzcı siziñ qorçalayıcılarğa olğan işançıñıznı bozmağa tırışa.

Arbiy areketlerniñ ketişatı aqqında tasdıqlanmağan malümatnen paylaşmañız. Böyle malümat tek Ukrayinanıñ telükesizlik ve mudafaa organlarında bar. Başqa er angi menbalardan ya da içtimaiy ağlardaki şahsiy saifelerde berilgen malümat kerçeklikke uymay bile.

Vatanperver kibi körüngen, amma mündericesi şübeli olğan haberlerni ve muracaatlarnı teşkeriñiz. Tecavuzcı şiarlar ve ukrayin timsalleri artında gizlene bile.