İŞĞALCİLER SİZNİ TOQTATSALAR
Birinciden, sizni tintecek olsalar, telefonıñız azır olsun. Eñ uyğun variant – yanıñızda yeden telefon alıp yürmek, onı ihtimal tintüvler vaqtında işğalcilerge köstermge mümkün.. Lâkin bu telefon siziñ esas telefonıñızğa beñzemek kerek, anda kündelik yaiayıştan fotoresimler, dostlarnen yazışmalar olmaq kerek. Çünki bütünley temiz telefon şübe doğuracaq, sanki gizlenecek bir şey oğanday kibi. Eger başqa telefonıñız olmasa, esas telefonıñıznı temizleñiz.
- Çatlardan işğalcilerni qozğalaycaq mevzulardaki episi yazışmalarnı çıqarıñız: siyasiy meselelerniñ muzakeresi, arbiy areketler, Putinniñ ve Rusiyeniñ siyasetini takbih etüv. Arbiy tehnikanıñ, yıqıluvlarnıñ fotoresimlerini, haberlerden skrinşotlarnı ve başqa malümatnı saqlamañız.
- Telefonıñızdan işğalciler içün şübeli körüne bilecek bütün malümatnı yoq etiñiz: er angi vatanperverlik malümatı, duşman aqqında memler, ukrayin askerleriniñ fotoresimleri (olarnıñ tehnikası, bulunuv noqtaları, arbiy obyektleri), işğalcilerniñ fotoresimleri (olarnıñ tehnikası, bulunuv noqtaları, cinayetleriniñ qayd etilgen isbatları), telefonlardan yedeklengen malümat..
- İşğalcilerni qozğalaycaq programmalarnı siliñiz: meselâ, «Signal» messenceri, çünki işğalciler sıq onı telefonlarda qıdıralar.
- Arbiy rutbeleri ya da vazifeleri bilgilerini alâqalarına qayd etmeñiz. Eñ yahşısı olarnı ad ve soyadlarınen qayd etmek, atta olarğa yañı, amma kerçekke oşağan adlar uydurmaq mümkün.
- Bundan da ğayrı, brauzerniñ tarihını, saifelerni ve messencerlerdeki çatlarnı temizleñiz. Amma aynı vaqıtta müim olmağan ve bitaraf şeylerni qaldırıñız, meselâ, ava arareti saifesi, kino tevsiyeleri saytı, dostlar ve soy-soplarnen bitaraf yazışmalar.
- Ukrayina tarafdarı olğanıñıznı köstergen tefsirlerniñ tarihını temizleñiz.
- Siziñ içün qıymetli olğan malümatnı bulut mahzenine ya da tışqı taşıyıcığa keçiriñiz.
İşğalcilernen körüşkende:
- Raat oluñız, tartışmañız, apansızdan areketler yapmañız. Eger cepleriñizniñ ya da çantañıznıñ içindekilerini körmege isteseler, yavaş-yavaş kösteriñiz. Elleriñizni er vaqıt körünecek şekilde tutıñız.
- İşğalciler olğan binağa kerek olmasa özüñiz kirmeñiz ve işğalcilernen yañğız qalmamağa tırışıñız.
- İşğalcilernen tek şaatlar olğanda laf etmege tırışıñız. Olar sizni tutıp alacaq olsalar, başqaları bunı körip, vaziyet beterleşse, yaqınlarıñızğa haber ete bilirler.
- Eger işğalcilernen qarşılaşma ihtimali olğanını añlasañız, evelden tanışlarıñızğa evelden telefon etip ya da mesaj yazıp haber etiñiz. Amma SMS yollağan soñ, deral telefonıñızdan onı siliñiz.
- Tutulma ihtimalini azlaştırmaq içün, iç bir vaqıt yanıñızda işğalcilernen, olarnen işbirlik yapqan adamalarnen, işhanelernen, astyapı obyektlerinen (yollar, stantsiyalar, köpürler) bağlı bir de bir malümatı olğan şeylerni taşımañız. Bu istihbar malümatı olaraq qıymetlendirile bile. Bundan da ğayrı, yanıñızda iç bir türlü teşviqat materialları, Ukrayinanı desteklegen edebiyat, talimatlar alıp yürmeñiz.