Duşman öz ordusında cenkleşmege mecbur etse
Eger siz ya da qoranta azalarıñız işğal etilgen topraqlarda zorbalıqnen “seferberlik” qurbanı olğan olsalar, Ukrayina Mudafaa Quvetlerine teslim olmaqnıñ yolunı tapmaq kereksiñiz.
Bunıñ içün "Hoçu jit" (Men yaşamağa isteyim) ukrayin devlet teslim leyhasınıñ operatorlarına evelden seferberlikke oğrağanıñıznı ve teslim olmaq istegeniñizni bildirmek kereksiñiz.
«Hoçu jıt» leyhasınıñ alâqaları
Telegram ve WhatsApp vastasınen bağlanmaq içün (bu daa işançlı bir usul, çünki duşmanlar siziñ telefonıñıznı diñley bileler)
+380 95 68 86 888
+380 93 68 86 888
+380 97 68 86 688
Eger messencerge yazıp olamasañız, 688 nomerine telefon açıñız (tek ukrayin operatorlarından)
+380 44 35 08 917
Eger bir özüñiz olsañız:
Ukrayina nezaretindeki topraqlarğa kelip çıqqan soñ, teslim oluñız. Bunıñ içün:
- magazinni çezip, silânı sol omuzıñızğa namlusını aşağı egip asıñız;
- elleriñni töpege köterip, qollarıñızda bir şey olmağanını kösteriñiz;
- yuqarığa beyaz qumaç köteriñiz (eger sizde olsa);
- “Men teslim olam!”, dep bağırıñız; emirden soñ yaqınlaşıñız;
- işğal etilgen topraqlardan Ukrayina vatandaşı olğanıñıznı bildiriñiz.
Eger bütün birlik ya da gruppa olaraq teslim olmaq isteseñiz:
- Arbiy tehnikanı toqtatıñız (o, arbiy alda olmamaq kerek) ve onıñ ögünde turıñız.
- Bütün silâlarnı yerge qoyıp, olardan uzaqlaşıñız.
- Ukrayin arbiylerine muzakereler içün bir kişini yollañız. Bu epiñizniñ arasında ofitser ya da rutbeli yüksek adam olmaq kerek. O, silâsız olmaq ve eline beyaz bayraq (qumaç) almaq kerek.
Bu talimat sayesinde siz sağ qalıp, yaqın vaqıtta yaqınlarıñıznıñ yanına qayta bilesiñiz.
RF silâlı küçlerine öz isteginen qoşulğan vaqtınca işğal etilgen topraqlarnıñ sakinleri Ukrayina qanunlarını bozğanlarını ve cezalanacaqlarını hatırlatamız. Bu 8 yıldan başlap ömürlik apiske qadar cezalana.