APATİYANEN NASIL KÜREŞİLMELİ
Şiddetli panika ve raatsızlıq ücümlarından soñ, adet üzre, apatiya duyğuları peyda ola. Böyle devirler qısqa olsa bile, olarnıñ üstünde kene de çalışmaq kerek. Apatiya – bu stress gormonlarınıñ yükselmesinden soñ tabiiy «himiyeviy» tiklenüv olğanını hatırlamaq kerek.
Apatiyanı yeñüv usulları
- Areketke keçiñiz: er angi adiy areketlerni yapıñız ve olarnı talil etmege tırışmañız.
- Kündelik alışqanlıqlarıñızğa riayet etiñiz (muntazam tarzda aşañız, gigiyena qaidelerine riayet etmek, gimnastika yapıñız).
- Elleriñiznen bir de-bir iş yapıñız (savut yuvuñız, eşyalarnı yerleştiriñiz).
- Kündelik vazifeleriñizni planlaştırıñız. Olar az olsun, amma episini becermege tırışıñız.
- Haberlerni künde bir qaç kere oqumaqnen sıñırlañız. VPN vastasınen tek ukrayin haberlerini oquñız (yüklemek içün bu saytta qayd oluñız). Lâkin nasıl haberlerni oquğanıñızğa diqqat etiñiz. Kütleviy malümat institutınıñ «beyaz cedvelinden» matbuattaki haberlerni oqumaqnı tevsiye etemiz: olarğa işanmaq mümkün.