ZİYADE YORĞUNLIQNEN NASIL KÜREŞMEK
Cenk şaraitlerinde bedenimiz eñ yüksek seviyede çalışa. Stres gormonları, olarnıñ vazifesi kritik vaziyette bedenni areketke celp etmektir, olarnıñ da "uyğunlıq müddeti" bar. Sizler qorqu, açuv, iyimserlik ya da tam bir harap oluv kibi çeşit duyğular is ete bilesiñiz. Bular vaqıt-vaqıt biri-birinin artından deñişken allar olğanını añlamaq müim . Olarnıñ er biri ile çalışmaq kerek.
Ziyade yorğunlıqnıñ esas alâmetleri:
- küçsüzlük duyğusı, adiy vazifelerni becerip olamağanlıq;
- diqqatnıñ dağıluvı ve kontsentratsiyanıñ bozuluvı;
- afızanıñ beterleşmesi;
- fikir yürütüv esnasınıñ yavaşlaması, tüşünce terenliginiñ ve tenqidiyetiniñ eksilüvi;
- evelden meraqlanğan malümatqa meraqlanuvnıñ eksilüvi;
- yüksek asabiylik;
- sinirlilik;
- yuqunıñ bozuluvı;
- daimiy yuqusızlıq;
- basımnıñ ve puls sıqlığınıñ artması;
- baş ağrısı;
- iştahnıñ kesilüvi;
- duyğusal boşluq.
Ziyade yorğunlıq ile küreş usulları:
Sağlıq saqlav nazirliginiñ malümatına köre, tolu yuqu büyükler içün künde eñ az 7 saat, balalar ve ösmürler içün ise 8-10 saat olmalı.
Malümat aluvınıñ sıñırlanması. Yañı haberlerni er vaqıt yañartmaqtan vazgeçiñiz: olarnı cedvelge köre oquñız, meselâ, saba, üylede ya da aqşam tek 15-er daqqa haber oquñız. VPN vastasınen tek ukrayin haberlerini oquñız (onı bu saytta qayd etilgen soñ endirmek mümkün). Amma ne kibi haberlerni oquğanıñızğa diqqat etiñiz. Kütleviy haber institutınıñ beyaz cedveline kirgen haber vastalarını oqumağa tevsye etemiz: olar işançlıdır
Tertipli şekilde beslenüv
Tertipli şekilde beden terbiyesi. Er angi tertipli beden terbiyesi ve areket etüv, atta yerde yürüş ya da sozuluv bile, sizge tendüristlik bere. Açıq avada bir yürüş, qapalı yerde idmandan daa yahşıdır.
Mümkün olğanı qadar, alışqanlıqlarıñızğa riayet etiñiz, şahsiy gigiyenañızğa diqqat etiñız.
Faaliyetniñ deñişüvi. Çalışma ve raatlanma saatlerini, fizikiy ve aqıl çalışmasını ayırmağa tırışıñız.
Prioritetlerni belgilev. İç kimse er şeyni yapıp olamağanını añlañız, şunıñ içün özüñizge künde 3-5 esas vazifeni belgileñiz ve özüñizge ondan başqa bir şey yapmamağa izin beriñiz.
Yanıñızda olğan fikirdeşleriñizne – aile azalarıñıznen, işğalden çıqqan yaqınlarıñız ve dostlarıñıznen yaqın münasebetler. Onlarnen bağ tutıñız.
Fizikiy temas. Birlikte nefes alıñız, biri-biriñizniñ qolundan tutıñız. Yaqınlarıñıznen quçaqlaşıñız.
Optimizm ve mizah duyğusı. Şaka yapıñız: mizah er vaqıt yardım ete, atta qıyın yaşayış şaraitlerinde bile.
Sağ ve sağlam qalmaqnıñ da pek degerli olğanını hatırlañız.
Cenk bitmesiniñ ya da bulunğanıñız topraqlarnıñ azat etilmesiniñ tarihlerini belgilemeñiz. Epimiz bunıñ bitmesini isteymiz, amma, tahminleriñiz ömürge keçmese, siziñ içün duyğusal olaraq pek ağır olıp, çaresizlik duyğusı peyda olur. Şunıñ içün beklemege azır oluñız.
Kelecekke planlar yapıñız, barışıq olıp, topraqlarıñız azat etilgen soñ, siziñ içün eñ müim ve üstün olacaq şeyni belgileñiz.